På plass i Trondheim

Gode hjelparar både i Oslo og Trondheim gjorde sitt til at flyttinga så og sei gjekk knirkefritt. Av bror Norvald fekk me flyttehjelp til jul, så han stilte med bil frå jobben og var med oss nordover. Takk skal du ha! Elles hjalp Jon Inge, Gisle og Marit til på Lindeberg. Naboar gav oss 3 grandiosa og lånte velvillig steikeovnen, og nabojenter dansa sjølvkomponert dans til musikk frå mobil før me reiste.

Vel framme på Lundåsen i Trondheim troppa svigerfar Arne opp med kaffe og bollar, elles var søster Birte og kjæresten Morten på plass. Samt Ola frå Børsa, og vennane Gro og Kristen som held til i Trondheim til daglig. Mottakelsen i Trondheim har det ikkje vore noko å utsetja på. Solrun er i gang på føden på St Olav og har tatt imot sine to første trøndera. Ivar har hatt sine siste vakter på Diakonhjemmet, men er no på plass i trøndelag. Bymarka er allerede utforska, og me gledar oss over gode skiløyper rett bak huset.